உரிமை !
பிறருக்கு உதவி செய்வது
நமது கடமை அல்ல
அது நமது உரிமை !
It is not our duty
To help the needy,
It is our RIGHT!
TNPSC GROUP 2 மறுதேர்வு நவம்பர் 4
ஆகஸ்டு 12, 2012 ல் நடந்த தேர்வு வினாத்தாள் வெளியான காரணத்தால் ரத்து செய்யப்பட்டது. ரத்து செய்யப்பட்ட தேர்வு நவம்பர் 4 ல் நடைபெறும் என அறி விக்கப்பட்டுள்ளது.
ஏற்கனவே விண்ணப்பித்தவர்கள் மட்டுமே இந்த தேர்வில் பங்கேற்க முடியும்.
திரும்பவும் தேர்வு கட்டணம் செலுத்த தேவையில்லை.
மேலதிக தகவல்களுக்கு எமது வலைதளத்தில் இணைந்திருங்கள்.....
வெள்ளியங்கிரி பயணம்
09/09/2011. அந்த அழகிய நாளின் அதிகாலை 4.30 மணியளவில் நானும் எனது நண்பர் திரு. கேபிள் சுரேஷ் ம் பஜாஜ் பல்சர் ல் 500 ரூபாய்க்கு எரிபொருள் நிரப்பிக் கொண்டு கோபிச்செட்டிபாளையத்தில் இருந்து கிளம்பினோம். அங்கிருந்து சத்தியமங்கலம், புளியம்பட்டி, அன்னூர், சரவணம்பட்டி வழியாக கோவையை அடைந்தோம். அங்கிருந்து பூண்டி மலையடிவாரத்தை காலை 7.30 மணியளவில் சென்று அடைந்தோம். ஒரு உணவகத்தில் ஊத்தாப்பத்தை சாப்பிட்டு விட்டு, அடிவாரக் கோயிலில் சாமி கும்பிட்டு விட்டு மலையேறத் தொடங்கினோம். இது சீசன் இல்லாத காரணத்தினால், எங்களுக்கு மலையேற உதவியாக இருக்கும் மூங்கில் தடியினை தர மறுத்து விட்டனர் கோயில் நிர்வாகத்தினர்.
ஆனால், போகும் வழியிலேயே இரண்டு மூங்கில் குச்சிகள் எங்களுக்கு உதவத் தயாராக இருந்தன. அவற்றை எடுத்துக் கொண்டு 8.30 மணிக்கு மலையினை ஏறத் தொடங்கினோம்.
சுமார் 2500 படிக்கட்டுகளை கடந்த பின், 9.45 மணியளவில், முதல் மலையின் உச்சியினை அடைந்தோம்.வெள்ளை விநாயகர் கோயிலில் விநாயகரை தரிசித்து விட்டு, ஏறத் தொடங்கினோம். அதன் பின் மலைப் பாதையில் படிக்கட்டுகள் இல்லை. சறுக்கலான, மண் பாதையில் தொடர்ந்து ஏறினோம்.
அந்த மலைக் காட்டின் அழகையும், அமைதியையும் ரசித்து விட்டு, தொடர்ந்து இரண்டாபது மலையின் உச்சியினை நோக்கி நடந்தோம். உடல் சக்தியினை கொஞ்சம் கொஞ்சமாக இழக்க ஆரம்பித்தோம். 11.00 மணியளவில் இரண்டாவது மலையுச்சியை அடைந்தோம். சிறிது நேர ஓய்வுக்குப் பின், மதியம் 12.30 மணியளவில் கொண்டு வந்திருந்த உணவை சாப்பிட்டு விட்டு, பயணத்தை தொடர்ந்தோம். 1.50 மணியளவில் மூன்றாவது மலையின் உச்சியினை அடைந்தோம். இதமான சாரல் மழை எங்களை வரவேற்க்க காத்திருந்தது.
தொடர்ந்து பயணித்தோம். கண்ணுக்கு எட்டிய தூரம் வரை பசுமையான காட்டு மரங்கள் மனதைக் கவர்ந்தன. சுமார் 2.50 மணிக்கு நான்காம் மலையின் உச்சியினை அடைந்தோம். கண்ணில் பட்ட காட்டெருமையை பயத்துடன் ரசித்து விட்டு வழுக்கலான, சறுக்கும் பாதையில், முயர்ச்சித்து மூங்கில் குச்சின் உதவியோடு ஏறினோம்.
3.10 மணியளவில் ஐந்தாவது மலையின் உச்சியை அடைந்தோம். மேகங்கள் தொட்டு செல்லும் அந்த இதமான அனுபவம் மறக்க முடியாத ஒன்று. மேகங்களோடு பயணித்து ஆறாம் மலையை சுமார் 3.50 மணிக்கு அடைந்தோம்.
ஆகாய லிங்கத்தை தரிசிக்க இன்னும் ஒரு மலை ஏற வேண்டும். தொடர்ந்து பயணித்தோம். மாலை 4.30 மணியளவில் ஏழாவது மலையின் உச்சியை அடைந்தோம். மேகங்கள் கண்களை மறைத்தன.
அந்த அழகிய, அமைதியான உச்சியில், சிறு குகைக்குள்ளே அமைந்திருக்கும் கோயிலில் சிறிது நேரம் தியானித்தோம். அழகிய அந்த இடத்தை விட்டு புறப்பட தயாரானோம். அப்போதே இருளத் தொடங்கி விட்டது. மழையும், இருளும் கை கோர்த்திருந்தன.
வேகமாக இறங்கத் தொடங்கினோம். இறங்குவது கொஞ்சம் சுலபமாகவே இருந்தது. இரவு சுமார் 8.30 மணிக்கு அடிவாரத்தை அடைந்து, ஒரு அழகிய அனுபவத்தின் நினைவுகளுடன் வீட்டுக்கு புறப்பட்டோம். பயணம் இனிதாக முடிந்தது, லேசான கால் வலியுடன்... :-)
*****************************************************************************
இந் நேரத்தில் ஒரு திரைப்படப் பாடலை பகிர விரும்புகிறேன்.
*******************************************************************************
நான் அரக்கன்!
கடவுள் தன்மை அற்றவன் அரக்கன்
எதிரியை மறைந்து நின்று கொல்லும்
தெய்வத்தன்மை இல்லாத நான் அரக்கனே!
துணைவியை சந்தேகம் கொள்ளும்
தெய்வத்தன்மை இல்லாத நான் அரக்கனே!
சூழ்ச்சியால் சமர் வெல்லும்
தெய்வத்தன்மை இல்லாத நான் அரக்கனே!
தவம் செய்பவனுக்கு மட்டும் வரம் என்ற
தெய்வத்தன்மை இல்லாத நான் அரக்கனே!
கள்ளும் சுருட்டும் கேட்கும்
தெய்வத்தன்மை இல்லாத நான் அரக்கனே!
ஆயிரம் பெண்களுடன் ஒரே நேரத்தில் கூத்தடிக்கும்
தெய்வத்தன்மை இல்லாத நான் அரக்கனே!
கேட்பவருக்கு மட்டும் உதவும்
சித்தத்தன்மை இல்லாத நான் அரக்கனே!
இத்தனைக்குப் பிறகும் இறைவனை நம்பும் நான்
அரக்கனே!
மத்திய பாரத பயணம் !!!
செப்டம்பர் 27 முதல் நவம்பர் 4 வரை Phase-II Training மத்திய பிரதேசத்து ஜபல்பூரில் அளிக்கப்பட்டது. மத்திய இந்தியாவின் ராணுவ பயிற்சி மற்றும் தலைமையகம் அமைந்துள்ள அதே வளாகத்தில் தான்....
மத்திய பிரதேசம் இயற்கை அன்னையின் அன்பையும் அரவணைப்பையும் முழுதும் பெற்ற மாநிலம். ஒவ்வொரு வாரமும் ஏதேனும் ஒரு சுற்றுலா அல்லது இயற்கை பிரதேசங்களுக்கு சென்றோம். அங்கு நான் அனுபவித்ததை, ரசித்ததை இனி பகிரப் போகிறேன்.
Training ன் முதல் வார சனிக்கிழமை மகாத்மா காந்தி பிறந்ததனால் விடுமுறையாக அமைந்தது. வெள்ளியன்று இரவே ஒரு Tavera வில் நாங்கள் பத்து பேர் சித்திரக்கூடம், மற்றும் கஜூராஹோ நோக்கி கிளம்பினோம்.
அதிகாலை 4:30 மணிக்கு சித்திரக்கூடம் அடைந்தோம். கிடைத்த ஒரு தர்மசாலையில் 3 மணிநேரத்தை தூங்கி கழித்தோம். 8:30 மணியளவில் காலை குளியல் மந்தாகினி ஆற்றில்.....
**************************************************************************************
முணுமுணுப்பது:
இந்த பயணங்களின் போது வாகனத்தில் இசைத்த என்னை அசைத்த பாடல்ளில் ஒன்று கீழே!!
**************************************************************************************
அடுத்து வருவது! கஜூரஹோ பயணம்... (புகைப்படங்களுடன்)
*************************************************************************************
காற்றும் என் காதலும்!!
கண்ணால் காண முடியாததால்
காற்று இல்லை என்பதில்லை
நான் சொல்லாததால்
எனக்குள் இல்லை என்றில்லை!!!
எண்களின் துவக்கம் 0 அல்ல 1 லிருந்து !!!!
ராஜ்கோட்டுக்கு திரும்பி ஒரு வாரம் ஆகிறது. ஊருக்கு போன வேலையெல்லாம் சுபமாய் முடிந்தது. (வளைகாப்பு, தமிழ் செம்மொழி மாநாடு, நண்பர்களுடனான சந்திப்பு..... ) சரி! ஊரில் நடந்தவற்றை அடுத்த பதிவில் பார்போம். இப்ப மேட்டருக்கு வருவோம். நேற்று முன்தினத்திற்கு நேற்று, தூக்கம் வராத இரவில் கால்குலேட்டரை வைத்து விளையாடிக் கொண்டு இருந்தேன் அப்போது ஒரு வினோதமான ஒன்றை கவனித்தேன்.
எந்த ஒரு எண்ணையும் 8 முறை தொடர்ந்து வர்கமூலம் (Square root) காணும் பொழுது அது 1.0 ஆகிறது. எடுத்துக்காட்டு
Number : 256
√256 = 16
√16=4
√4=2
√2=1.414
√1.414 = 1.189
√1.189 = 1.0905
√1.0905 = 1.044
√1.044 = 1.02
Number : 12345678
√12345678 = 3513.641
√3513.641 = 59.275
√59.725 = 7.69908
√7.69908 = 2.774
√2.774 = 1.665
√1.665 = 1.290
√1.2906 = 1.13
√1.13 = 1.06
இதிலிருந்து நான் அறிந்து கொண்டது என்னவெனில் எண்களின் துவக்கம் பூஜ்ஜியம் அல்ல 1 தான். பூஜ்ஜியம் என்பது வெறும் குறியீடு மட்டுமே. (அதெல்லாம் எங்களுக்கு முன்னவே தெரியும் என்பவர்களுக்கு மேலும் ஒரு விசயம் எண்களின் துவக்கம் 1 ஆதலால் 0.5, 0.75 போன்ற மதிப்புகளும் கிடையாது எல்லாம் 1 லிருந்து தான்...... ) புரிந்தவர்கள் திட்டலாம் புரியாதவர்கள் பின்னூட்டமிடலாம்......
அனைத்தின் மூலமும் 1 தான்.......... (டபுள் மீனிங்)
**************************************************************************************
முணுமுணுப்பது:
காதல் வந்தாலே காலு ரெண்டும் தன்னாலே காத்தா சுத்துதே உந்தன் பின்னாலே.... (ஊருல இந்திரா கொட்டாய்ல பார்த்தேன். அய்யோ! அனுஷ்கா எவ்ளோ அழகு!!!!! )
**************************************************************************************
உஷார்! உஷார் !
இதனால் சகலமானவர்களுக்கும் தெரிவிப்பது என்னவென்றால் வரும் 17 ம் தேதி எனது அண்ணி அவர்களின் வளைகாப்பு.
அதை முன்னிட்டு மதிப்பிற்குரிய மாயாவி அவர்கள் (யாருப்பா அங்க சிரிக்கறது?....) ஊருக்கு கிளம்புகிறார். ஜூலை 4 ம் தேதி தான் ராஜ்கோட் திரும்புவார்.
*************************************************************************************
அறிந்து கொள்ள: (இது என்னோடதல்ல....)
List of 64 arts /அறுபத்துநாலு கலைகள்
அறுபத்துநாலுகலைகளின் பட்டியலை மொழிஞாயிறு ஞா. தேவநேயப் பாவாணர் தொகுத்த செந்தமிழ் சொற்பிறப்பியல் பேரகரமுதலி (A Comprehensive Etymological Dictionary of the Tamil Language )Vol. 1 , Part - 1 பக்கம் 545-548 வரையிலும் கண்டுள்ளபடி இங்கே பட்டியலிடப்பட்டுள்ளது.. தெரிந்துகொள்ளுங்கள்.
அறுபத்துநாலுகலை (பெ.) `காமசூத்திரம்' என்னும் பழைய சமற்கிருத நூலிற் சொல்லப்பட்டுள்ள அறுபத்துநான்கு கலைகளும் அறிவியல்களும்.
அறுபத்து நாலு கலைகளாவன:
1. எழுத்திலக்கணம் (அக்கரவிலக்கணம்);
2. எழுத்தாற்றல் (லிகிதம்);
3. கணிதம்;
4. மறைநூல் (வேதம்);
5. தொன்மம் (புராணம்);
6. இலக்கணம் (வியாகரணம்);
7. நயனூல் (நீதி சாத்திரம்);
8. கணியம் (சோதிட சாத்திரம்);
9. அறநூல் (தரும சாத்திரம்);
10. ஓகநூல் (யோக சாத்திரம்);
11. மந்திர நூல் (மந்திர சாத்திரம்);
12. நிமித்திக நூல் (சகுன சாத்திரம்);
13. கம்மிய நூல் (சிற்ப சாத்திரம்);
14. மருத்துவ நூல் ( வைத்திய சாத்திரம்);
15. உறுப்பமைவு நூல் (உருவ சாத்திரம்);
16. மறவனப்பு (இதிகாசம்);
17. வனப்பு;
18. அணிநூல் (அலங்காரம்);
19. மதுரமொழிவு (மதுரபாடணம்);
20. நாடகம்;
21. நடம்;
22. ஒலிநுட்ப அறிவு (சத்தப் பிரமம்);
23. யாழ் (வீணை);
24. குழல்;
25. மதங்கம் (மிருதங்கம்);
26. தாளம்;
27. விற்பயிற்சி (அத்திரவித்தை);
28. பொன் நோட்டம் (கனக பரீட்சை);
29. தேர்ப்பயிற்சி (ரத ப்ரீட்சை);
30. யானையேற்றம் (கச பரீட்சை);
31. குதிரையேற்றம் (அசுவ பரீட்சை);
32. மணிநோட்டம் (ரத்தின பரீட்சை);
33. நிலத்து நூல்/மண்ணியல் (பூமி பரீட்சை);
34. போர்ப்பயிற்சி (சங்கிராமவிலக்கணம்);
35. மல்லம் (மல்ல யுத்தம்);
36. கவர்ச்சி (ஆகருடணம்);
37. ஓட்டுகை (உச்சாடணம்);
38. நட்புப் பிரிப்பு (வித்துவேடணம்);
39. காமநூல் (மதன சாத்திரம்);
40. மயக்குநூல் (மோகனம்);
41. வசியம் (வசீகரணம்);
42. இதளியம் (ரசவாதம்);
43. இன்னிசைப் பயிற்சி (காந்தருவ வாதம்);
44. பிறவுயிர் மொழியறிகை (பைபீல வாதம்);
45. மகிழுறுத்தம் (கவுத்துக வாதம்);
46. நாடிப்பயிற்சி (தாது வாதம்);
47. கலுழம் (காருடம்);
48. இழப்பறிகை (நட்டம்);
49. மறைத்ததையறிதல் (முஷ்டி);
50. வான்புகவு (ஆகாயப் பிரவேசம்);
51. வான்செலவு (ஆகாய கமனம்);
52. கூடுவிட்டுக் கூடுபாய்தல் (பரகாயப் பிரவேசம்);
53. தன்னுருக் கரத்தல் (அதிருசியம்);
54. மாயச்செய்கை (இந்திரசாலம்);
55. பெருமாயச்செய்கை (மகேந்திரசாலம்);
56. அழற்கட்டு (அக்கினித் தம்பனம்);
57. நீர்க்கட்டு (சலத்தம்பனம்);
58. வளிக்கட்டு (வாயுத்தம்பனம்);
59. கண்கட்டு (திருட்டித்தம்பனம்);
60. நாவுக்கட்டு (வாக்குத்தம்பனம்);
61. விந்துக்கட்டு (சுக்கிலத்தம்பனம்);
62. புதையற்கட்டு (கனனத்தம்பனம்);
63. வாட்கட்டு (கட்கத்தம்பனம்);
64 சூனியம் (அவத்தைப் பிரயோகம்).
வேறொரு பட்டியல்
1. பாட்டு (கீதம்);
2. இன்னியம் (வாத்தியம்);
3. நடம் (நிருத்தம்);
4. ஓவியம்;
5. இலைப்பொட்டுக் (பத்திர திலகம்) கத்தரிக்கை;
6. பல்வகை யரிசி பூக்களாற் கோலம் வைத்தல்;
7. பூவமளியமைக்கை;
8. ஆடையுடை பற்களுக்கு வண்ணமமைக்கை;
9. பள்ளியறையிலும் குடிப்பறையிலும் மணி பதிக்கை;
10. படுக்கையமைக்கை;
11. நீரலை அல்லது நீர்க்கிண்ண இசை (ஜலதரங்கம்);
12. நீர்வாரி யடிக்கை;
13. உள்வரி (வேடங்கொள்கை);
14. மாலைதொடுக்கை;
15. மாலை முதலியன் அணிகை;
16. ஆடையணிகளாற் சுவடிக்கை;
17. சங்கு முதலியவற்றாற் காதணியமக்கை;
18. விரை கூட்டுகை;
19. அணிகலன் புனைகை;
20. மாயச்செய்கை (இந்திரசாலம்);
21. குசுமாரரின் காமநூல் நெறி (கௌசுமாரம்);
22.கைவிரைவு (ஹஸ்தலாவகம்);
23. மடைநூலறிவு (பாகசாத்திர வுணர்ச்சி);
24. தையல்வேலை;
25. நூல்கொண்டு காட்டும் வேடிக்கை;
26. வீணை யுடுக்கைப் பயிற்சி (வீணை டமருகப் பயிற்சி);
27. விடுகதை (பிரேளிகை);
28. ஈற்றெழுத்துப் பாப் பாடுகை;
29. நெருட்டுச் சொற்றொடரமக்கை;
30. சுவைத்தோன்றப் பண்ணுடன் வசிக்கை;
31. நாடகம் உரைநடை (வசனம்) யிவற்றினுணர்ச்சி;
32. குறித்தபடி பாடுகை (ஸமஸ்யாபூரணம்);
33. பிரம்பு முத்தலியவற்றாற் கட்டில் பின்னுதல்;
34. கதிரில் நூல் சுற்றுகை;
35. மரவேலை;
36. மனைநூல் (வாஸ்து வித்தை);
37. காசு, மணி நோட்டம் (நாணய ரத்னங்களின் பரிசோதனை);
38. நாடிப்பயிற்சி (தாதுவாதம்);
39. மணிக்கு நிறமமைக்கையும் மணியின் பிறப்பிட மறிகையும்;
40. தோட்டவேலை;
41. தகர்ப்போர் சேவற்போர் முதலிய விலங்கு பறவைப்போர்;
42. கிளி நாகணங்கட்குப் பேச்சுப் பயிற்றுவகை;
43. உடம்பு பிடிக்கையும் எண்ணைய் தேய்க்கையும்;
44. குழூவுக்குறி (சங்கேதாக்ஷரங்களமத்துப் பேசுகை);
45. மருமமொழி (ரகசிய பாஷை);
46. நாட்டுமொழி யறிவு (தெசபாஷை யுணர்ச்சி);
47. பூத்தேர் (புஷ்பரதம்) அமக்கை;
48. முற்குறி (நிமித்தம்) அமைக்கை;
49. பொறியமைக்கை;
50. ஒருகாலிற் கொள்கை (ஏகசந்தக்கிராகித்வம்);
51. இருகாலிற் கொள்கை (துவிசந்தக்கிராகித்வம்);
52. பிதிர்ப்பா (கவி) விடுக்கை;
53. வனப்பு (காவியம்) இயற்றுகை;
54. உரிச்சொல்லறிவு (நிகண்டுணர்ச்சி);
55. யாப்பறிவு;
56. அணியறிவு (அலங்காரவுணர்ச்சி);
57. மாயக்கலை (சாலவித்தை);
58. ஆடையணியுந் திறமை (உடுத்தலிற் சாமர்த்தியம்);
59. சூதாட்டம்;
60. சொக்கட்டான்;
61. பாவை (பொம்மை), பந்து முதலியன வைத்தாடுகை;
62. யானயேற்றம், குதிரையேற்றம் பயிற்சி;
63. படக்கலப் பயிற்சி;
64. உடற் (தேகப்) பயிற்சி (சது.).
நன்றி: http://tamilelibrary.org/teli/arts.html
*************************************************************************************
சிந்திக்க:
ஏற்ற காலம் கடந்த பின் பயணம் துவங்கும் கப்பல் புயலில் சிக்கித்தான் போகும்.
- அனுபவம்.
*************************************************************************************
உலகத்தமிழ் செம்மொழி மாநாடு!!!
பாடல்:
இந்த பாடலில் we were warned!!!!!! என்ற வரிகள் எதற்கு காண்பிக்கப்படுகின்றன என்று யாருக்காவது தெரியுமா? () தெரிஞ்சா பின்னுட்ட்டதில சொல்லுங்கோ!!!!!!!
தரவிறக்க வேண்டுவோர் இந்த சுட்டியை பயன்படுத்துங்கள்.
உலகத்தமிழ் செம்மொழி மாநாட்டின் அதிகாரப்பூர்வ தளத்திற்கு செல்ல இங்கே சொடுக்கவும்.
********************************************************************************************
சிந்திக்க:
அழகான ஒருத்தி தான் தனக்கு மனைவியாய் வர வேண்டுமென்று ஆணோ அல்லது அழகான ஒருவன் தான் தனக்கு கணவனாய் வர வேண்டுமென்று பெண்ணோ நினைத்தால், உலகில் 95 சதவிதத்தினர் முதிர் கண்ணன்களாவோ அல்லது முதிர்கன்னிகளாகவோ வாழ வேண்டி இருக்கும்.
- நாங்களும் கருத்து சொல்வோம்ல......
********************************************************************************************
விஷ்ணுபுரம்: ஜெயமோகனுக்கு ஒரு கடிதம்!!!
மதிப்பிற்குரிய ஜெமோ அவர்களுக்கு!
நான் உங்களை இதற்கு முன் வாசித்தது இல்லை. சித்தர்கள் பற்றி எப்போதும் போல அன்றும் தேடிக்கொண்டிருந்தேன். அப்போது உங்கள் ரசவாதம் பற்றிய சிறுகதைக்கு இட்டுச் சென்றது Google. அதுதான் நான் வாசித்த உங்களது முதல் எழுத்துகள். படித்தபின் நினைத்தேன் இவரை எப்படி இத்தனை நாள் தவறவிட்டேன் என்று....
உடனே உங்களது புத்தகங்கள் இனையத்தில் எங்கு கிடைக்கும் என்று Google இடம் கேட்டேன் அது உடுமலை.காம் க்கு என்னை கூட்டிச்சென்றது.
பார்த்தவுடன் என்னை கவர்ந்தது விஷ்ணுபுரம். 20 நாட்களுக்கு முன் உடுமலை.காம் லிருந்து விஷ்ணுபுரம் தருவித்து படிக்கத்துவங்கினேன். எனக்கு பிடித்த எழுத்துகள் என்று வரிசைப்படுத்தினால் அதில் அமரர் கல்கிக்கே முதலிடம். பல தளங்களில் ஒரே நேரத்தில் பயணிக்கும் நீங்கள் கல்கியை தண்டித்தான் போகிறீர் சிற்சில இடங்களில்.
விஷ்ணுபுரத்தின் கதையை ஒரு 100 பக்கங்களில் அடைத்திட முடியும், ஆனால் இதில் நிறைந்திருக்கும் தத்துவ விசாரணைகளை எப்படி உங்களால் 800 பக்கங்களுக்குள் அடக்க முடிந்தது என்று நினைக்கும்போது வியப்பாய்தானிருக்கிறது.
உண்மையை சொல்கிறேன் ஜெமோ அவர்களே ! விஷ்ணுபுரம் படிக்கத்துவங்கிய 2 ம் நாளிலிருந்து என் தூக்கம் எனக்கு வித்த்யாசமாய் பட்டது. என்னுள் பல காலமாய் சுழன்று அடிக்கும் பல கேள்விகளில் சிலவற்றிற்கு விஷ்ணுபுரம் விடைதருகிறது. பல கேள்விகளுக்கு, எரியும் நெருப்பிற்கு நெய்யாய் இருக்கிறது.
உங்கள் விஷ்ணுபுரம் ஒரு வேள்வி. கேள்விகளை அவியாக்கினால் பதில்கள் வரமாக. ஆனால் எல்லா கேள்விகளும் விடையறுக்கபடுவதில்லை.......................
ஸ்ரீபாதத்தில் வரும் வர்ணனைகள் கற்பனை செய்ய முடியாத அளவுக்கு வியப்பாய் இருக்கிறது. உங்களது எழுத்துகள் அந்த கற்பனை நகரை கண்முன்னே கொணர்கிறது.
விஷ்ணுபுரத்தின் முன்று பாகங்களும் அருமை. எனக்கு மிகவும் பிடித்தது, மீண்டும் மீண்டும் படிப்பது இரண்டாம் பாகம் கெளஸ்துபம்...
என்னை கவர்ந்த , என்னை பாதித்த சில பகுதிகள்,
பிங்கலனிடம் மகாபிரபு கூறுவார்,” உன்னை மீட்கும் வழி பற்றி சிந்தித்தேன் . உன்னை கூட்டிவர தாசித்தெருவிற்கு கூட வரத்திட்டமிட்டேன். ஆனால் அன்றிரவு தூக்கமற்று புரண்டு படுத்தபடி இருளுக்குள் நானும் எனது ஆத்மாவும் தனியே இருக்கும் போது அறிந்தேன்- என் மனம் ஏங்குவதை. சென்றுபோன என் இளமையை, இழந்த இன்பங்களை, இனி மீளமுடியாத அந்த உலகை...... ”இன்றைய சாமியார்கள், ஆன்மீகவாதிகளின் நிலையை நியாபகபடுத்தும் வரிகள்...
“நாம் பார்க்கிறோம், பார்க்கும் கணத்திற்கும் அப்பொருளை பார்வை தொட்ட கணத்திற்கும் இடையே ஒரு கால இடைவெளி உள்ளது. அது மிகமிகச் சிறியதாக இருக்கலாம். ஆயினும் அவ்விடைவெளியில் அப்பொருள் அழிந்து இன்னொன்று பிறந்திருக்கும்.........”
“புயலடிக்கும் நள்ளிரவில், மின்னலொன்று காட்டிய காடு போன்றது பிரபஞ்சக் காட்சி. அக்காட்சியை வைத்து காட்டை அனுமானிப்பதே பிழையானது. அக்காட்சி நம் கண்களை அடைந்த கணம், ஒரு நூறு மரங்கள் சரிந்திருக்கும். அடுத்த மின்னல் நமக்கு காட்டுவது வேறு காடு........ ”
“அறிய முடியாத ஏகம் என்று வேதம் கூறுகிறதே அது என்ன ? .... அறிய முடியாத ஏகம் என்ற சொல்லே முரண்பட்டது. அறிதலில் இருந்ததல்லவா ஏகம் என்ற எண்ணம் வர முடியும்...”
அஜிதனின் இந்த பதில் எனக்குள்ளேயே என்னை கைதட்ட வைத்தது.
“வேதங்களை கண்டறிந்த ஆதி ரிஷிகள் அவற்றை ஏன் பெருவளியிலேயே விட்டுச்செல்லவில்லை....” என்ற கேள்வியும் அதை தொடர்ந்து நிகழும் தர்க்கமும் அதில் கிடைக்கும் விடையும் சவுக்கை சுழற்றும், ஒரு உணர்வு.
“கற்பவன் கடந்து செல்ல முடியாத நூல் எதுவுமில்லை. அது வேதங்களுக்கும் பொருந்தும்”
“இறக்கும் உடலில் இருந்து ஆன்மா எங்கு செல்கிறது?.... விறகில் நெருப்பு எரிகிறது, விறகில்லையேல் நெருப்பு இல்லை. விறகு எரிந்து முடிந்து விட்டால் நெருப்பு முற்றிலும் அணைந்துவிடுகிறது. எவராவது விறகில் எரிந்த நெருப்பு விலகிச்சென்று விட்டது, காற்று வெளியில் அது உள்ளது என்று கூற முடியுமா?.......”
இப்படி நிறைய இருக்கு சார்.......
நிச்சயம் சொல்வேன் தமிழ் இலக்கியம் உள்ளவரை விஷ்ணுபுரம் இருக்கும்.
ஒவ்வொருவரும் கண்டிப்பாக படிக்கவேண்டிய ஒன்று. இல்லை இல்லை ஒவ்வொருவரும் படித்திருக்க வேண்டிய ஒன்று....
சிந்திக்கப்படாத ஆனால் சிந்திக்க பட வேண்டியவை நிறைய நிரம்பியது விஷ்ணுபுரம்.
மொத்தத்தில் நிலவின் மறுபுறம் உங்கள் விஷ்ணுபுரம்.
எழுத்தாளர் ஜெமோ அவர்களின் வலைதளம் செல்ல இங்கே சொடுக்கவும்.
*************************************************************************************
சிந்திக்க :
மனதைத் திறந்து வைத்திரு. நீ அறிந்ததைவிட பெரிய விடயம் ஒன்று இங்கு நடந்துகொண்டிருக்கிறது.
- இயன்லா வன்சான்ற்.
*************************************************************************************
ரசிக்க:
"மதுரை தமிழ் இலக்கிய மின்பதிப்புத் திட்டம்" இது ஒரு உலகலாவிய தமிழர்கள் இணையம்வழி ஒன்றுகூடி தமிழ் இலக்கியங்களின் மின்பதிப்புக்களை உருவாக்கி அவற்றை இணையம்வழி உலகெங்கிலும் உள்ள தமிழர்களும் தமிழார்வலர்களும் இலவசமாக பெற வசதிசெய்யும் திட்டம்....
மேலும் தகவல்களுக்கும் மென்புத்தகங்களுக்கும் இங்கே செல்லவும்.
*************************************************************************************
உடனே உங்களது புத்தகங்கள் இனையத்தில் எங்கு கிடைக்கும் என்று Google இடம் கேட்டேன் அது உடுமலை.காம் க்கு என்னை கூட்டிச்சென்றது.
பார்த்தவுடன் என்னை கவர்ந்தது விஷ்ணுபுரம். 20 நாட்களுக்கு முன் உடுமலை.காம் லிருந்து விஷ்ணுபுரம் தருவித்து படிக்கத்துவங்கினேன். எனக்கு பிடித்த எழுத்துகள் என்று வரிசைப்படுத்தினால் அதில் அமரர் கல்கிக்கே முதலிடம். பல தளங்களில் ஒரே நேரத்தில் பயணிக்கும் நீங்கள் கல்கியை தண்டித்தான் போகிறீர் சிற்சில இடங்களில்.
விஷ்ணுபுரத்தின் கதையை ஒரு 100 பக்கங்களில் அடைத்திட முடியும், ஆனால் இதில் நிறைந்திருக்கும் தத்துவ விசாரணைகளை எப்படி உங்களால் 800 பக்கங்களுக்குள் அடக்க முடிந்தது என்று நினைக்கும்போது வியப்பாய்தானிருக்கிறது.
உண்மையை சொல்கிறேன் ஜெமோ அவர்களே ! விஷ்ணுபுரம் படிக்கத்துவங்கிய 2 ம் நாளிலிருந்து என் தூக்கம் எனக்கு வித்த்யாசமாய் பட்டது. என்னுள் பல காலமாய் சுழன்று அடிக்கும் பல கேள்விகளில் சிலவற்றிற்கு விஷ்ணுபுரம் விடைதருகிறது. பல கேள்விகளுக்கு, எரியும் நெருப்பிற்கு நெய்யாய் இருக்கிறது.
உங்கள் விஷ்ணுபுரம் ஒரு வேள்வி. கேள்விகளை அவியாக்கினால் பதில்கள் வரமாக. ஆனால் எல்லா கேள்விகளும் விடையறுக்கபடுவதில்லை.......................
ஸ்ரீபாதத்தில் வரும் வர்ணனைகள் கற்பனை செய்ய முடியாத அளவுக்கு வியப்பாய் இருக்கிறது. உங்களது எழுத்துகள் அந்த கற்பனை நகரை கண்முன்னே கொணர்கிறது.
விஷ்ணுபுரத்தின் முன்று பாகங்களும் அருமை. எனக்கு மிகவும் பிடித்தது, மீண்டும் மீண்டும் படிப்பது இரண்டாம் பாகம் கெளஸ்துபம்...
என்னை கவர்ந்த , என்னை பாதித்த சில பகுதிகள்,
பிங்கலனிடம் மகாபிரபு கூறுவார்,” உன்னை மீட்கும் வழி பற்றி சிந்தித்தேன் . உன்னை கூட்டிவர தாசித்தெருவிற்கு கூட வரத்திட்டமிட்டேன். ஆனால் அன்றிரவு தூக்கமற்று புரண்டு படுத்தபடி இருளுக்குள் நானும் எனது ஆத்மாவும் தனியே இருக்கும் போது அறிந்தேன்- என் மனம் ஏங்குவதை. சென்றுபோன என் இளமையை, இழந்த இன்பங்களை, இனி மீளமுடியாத அந்த உலகை...... ”இன்றைய சாமியார்கள், ஆன்மீகவாதிகளின் நிலையை நியாபகபடுத்தும் வரிகள்...
“நாம் பார்க்கிறோம், பார்க்கும் கணத்திற்கும் அப்பொருளை பார்வை தொட்ட கணத்திற்கும் இடையே ஒரு கால இடைவெளி உள்ளது. அது மிகமிகச் சிறியதாக இருக்கலாம். ஆயினும் அவ்விடைவெளியில் அப்பொருள் அழிந்து இன்னொன்று பிறந்திருக்கும்.........”
“புயலடிக்கும் நள்ளிரவில், மின்னலொன்று காட்டிய காடு போன்றது பிரபஞ்சக் காட்சி. அக்காட்சியை வைத்து காட்டை அனுமானிப்பதே பிழையானது. அக்காட்சி நம் கண்களை அடைந்த கணம், ஒரு நூறு மரங்கள் சரிந்திருக்கும். அடுத்த மின்னல் நமக்கு காட்டுவது வேறு காடு........ ”
“அறிய முடியாத ஏகம் என்று வேதம் கூறுகிறதே அது என்ன ? .... அறிய முடியாத ஏகம் என்ற சொல்லே முரண்பட்டது. அறிதலில் இருந்ததல்லவா ஏகம் என்ற எண்ணம் வர முடியும்...”
அஜிதனின் இந்த பதில் எனக்குள்ளேயே என்னை கைதட்ட வைத்தது.
“வேதங்களை கண்டறிந்த ஆதி ரிஷிகள் அவற்றை ஏன் பெருவளியிலேயே விட்டுச்செல்லவில்லை....” என்ற கேள்வியும் அதை தொடர்ந்து நிகழும் தர்க்கமும் அதில் கிடைக்கும் விடையும் சவுக்கை சுழற்றும், ஒரு உணர்வு.
“கற்பவன் கடந்து செல்ல முடியாத நூல் எதுவுமில்லை. அது வேதங்களுக்கும் பொருந்தும்”
“இறக்கும் உடலில் இருந்து ஆன்மா எங்கு செல்கிறது?.... விறகில் நெருப்பு எரிகிறது, விறகில்லையேல் நெருப்பு இல்லை. விறகு எரிந்து முடிந்து விட்டால் நெருப்பு முற்றிலும் அணைந்துவிடுகிறது. எவராவது விறகில் எரிந்த நெருப்பு விலகிச்சென்று விட்டது, காற்று வெளியில் அது உள்ளது என்று கூற முடியுமா?.......”
இப்படி நிறைய இருக்கு சார்.......
நிச்சயம் சொல்வேன் தமிழ் இலக்கியம் உள்ளவரை விஷ்ணுபுரம் இருக்கும்.
ஒவ்வொருவரும் கண்டிப்பாக படிக்கவேண்டிய ஒன்று. இல்லை இல்லை ஒவ்வொருவரும் படித்திருக்க வேண்டிய ஒன்று....
சிந்திக்கப்படாத ஆனால் சிந்திக்க பட வேண்டியவை நிறைய நிரம்பியது விஷ்ணுபுரம்.
மொத்தத்தில் நிலவின் மறுபுறம் உங்கள் விஷ்ணுபுரம்.
எழுத்தாளர் ஜெமோ அவர்களின் வலைதளம் செல்ல இங்கே சொடுக்கவும்.
*************************************************************************************
சிந்திக்க :
மனதைத் திறந்து வைத்திரு. நீ அறிந்ததைவிட பெரிய விடயம் ஒன்று இங்கு நடந்துகொண்டிருக்கிறது.
- இயன்லா வன்சான்ற்.
*************************************************************************************
ரசிக்க:
"மதுரை தமிழ் இலக்கிய மின்பதிப்புத் திட்டம்" இது ஒரு உலகலாவிய தமிழர்கள் இணையம்வழி ஒன்றுகூடி தமிழ் இலக்கியங்களின் மின்பதிப்புக்களை உருவாக்கி அவற்றை இணையம்வழி உலகெங்கிலும் உள்ள தமிழர்களும் தமிழார்வலர்களும் இலவசமாக பெற வசதிசெய்யும் திட்டம்....
மேலும் தகவல்களுக்கும் மென்புத்தகங்களுக்கும் இங்கே செல்லவும்.
*************************************************************************************
ஆஸ்கார் The Hurt Locker – விமர்சனம்:
அப்படி என்ன தான் இந்த படத்துல இருக்குனு ஆஸ்கார் கொடுத்திருக்காங்க பார்க்கலாம்னு தரவிறக்கி பார்த்தேன். படம் REAL FEELING தரணும்னு காமிராவை தோளிலேயே வெச்சு படம் எடுத்த மாதிரி இருந்துச்சு அதனால முதல் 15 நிமிஷம் light ஆ தலைவலி ஆனா போக போக கதையுடன் ஒன்றவும் அதுதான் காரணமாவும் இருக்கு.
எனக்கும் சின்ன வயசுல எல்லா குழ்ந்தைக்கும் இருக்குற மாதிரி ராணுவ வீரனாகனும்ன்னு ஆசை இருந்துச்சு. அந்த வயசுல மட்டும் இல்ல இப்ப இந்த படம் பார்க்குற வரைக்கும் கூட நான் ராணுவ வாழ்க்கை என்பது சாதனைகள் நிறைந்ததுன்னு தான் நினைச்சிருந்தேன். ஆனால்.....
படம் ஈராக் தலைநகர் பாக்தாத்தில்....
மகோன்னததின் உச்சியில் இருந்த பாக்தாத் இன்று மக்கிப் போய் இருப்பதை பார்க்கும் போது ஏனோ இயல்பாகவே அமெரிக்காவின் மீதும் தீவிரவாதத்தின் மீதும் கோபம் வருகிறது.
ஒரு சுவரின் பின் மறைந்து இருக்கும் தீவிரவாதியை (ஈராக் வாசி தீவிரவாதியா இல்ல அமெரிக்காவா.... ) கொல்ல ராணுவ வீரர்களின் அந்த நீண்ட காத்திருப்பு அடிக்கடி காஷ்மீரில் நடக்கும் சம்பவங்களை நினைவுட்டுகிறது. எவ்வளவு பொறுமை.!!!!
Sergeant William James ஆக நடித்திருக்கும் Jeremy Renner ன் நடிப்பு அருமை.
இது வரை எத்தனை வெடிகுண்டுகளை செயலிழக்க வைத்து இருக்கிறாய் என்று Colnel கேட்பதற்கு 873 என்று சொல்லும்போது நமக்குள்ளும் ஒரு பெருமை தொற்றிக்கொள்கிறது.
தன்னுடன் பழகியதற்க்காக ஒரு சிறுவன் கொல்லபடுவதும் அதற்காக வருத்தப்படுவதும் அந்த கொலைக்கு பழி வாங்க துடிப்பதும் என்று தனது இயல்பான நடிப்பால் ரெண்னர் பின்னியிருக்கிறார்.
Sergeant JT Sanborn ஆக வரும் Anthony Mackie உம சிறப்பாக செய்து இருக்கிறார். சுவரின் பின் மறைந்திருக்கும் தீவிரவாதியை கொல்ல பொறுமையாய் காத்திருப்பதாகட்டும், குண்டுகளை செயழிழக்க செய்யும் போது ரெண்னர் head set ஐ கழற்றி போட்டதற்காக அவரை அறைவதாகட்டும் ஒரு சிறந்த Sergeant நடித்திருக்கிறார்.
பதிவு பெருசாகுதே ! நிறைய சொல்லனும்னு நினைச்சேன்.
கடைசியா சொல்றேன்! நல்ல படம். ஆஸ்காருக்கு தகுதியான படம் தான. எல்லோரும் பாருங்க.
*****************************************************************************************
ரசிக்க:
டாக்டர். அப்துல் கலாம் அவர்கள், நக்கீரனில் எழுதி வந்த தன்னம்பிக்கை தொடர் தரவிறக்க இங்கே சொடுக்கவும்.
*****************************************************************************************
சிந்திக்க:
கண்ணெதிரே காணும் ஒவ்வொருவரையும் நம்புவது அபாயகரமானது. அதைக் காட்டிலும் ஒருவரையும் நம்பாதிருப்பது மிகவும் அபாயகரமானது.
-அப்ரஹாம் லிங்கன்
எனக்கும் சின்ன வயசுல எல்லா குழ்ந்தைக்கும் இருக்குற மாதிரி ராணுவ வீரனாகனும்ன்னு ஆசை இருந்துச்சு. அந்த வயசுல மட்டும் இல்ல இப்ப இந்த படம் பார்க்குற வரைக்கும் கூட நான் ராணுவ வாழ்க்கை என்பது சாதனைகள் நிறைந்ததுன்னு தான் நினைச்சிருந்தேன். ஆனால்.....
படம் ஈராக் தலைநகர் பாக்தாத்தில்....
மகோன்னததின் உச்சியில் இருந்த பாக்தாத் இன்று மக்கிப் போய் இருப்பதை பார்க்கும் போது ஏனோ இயல்பாகவே அமெரிக்காவின் மீதும் தீவிரவாதத்தின் மீதும் கோபம் வருகிறது.
ஒரு சுவரின் பின் மறைந்து இருக்கும் தீவிரவாதியை (ஈராக் வாசி தீவிரவாதியா இல்ல அமெரிக்காவா.... ) கொல்ல ராணுவ வீரர்களின் அந்த நீண்ட காத்திருப்பு அடிக்கடி காஷ்மீரில் நடக்கும் சம்பவங்களை நினைவுட்டுகிறது. எவ்வளவு பொறுமை.!!!!
Sergeant William James ஆக நடித்திருக்கும் Jeremy Renner ன் நடிப்பு அருமை.
இது வரை எத்தனை வெடிகுண்டுகளை செயலிழக்க வைத்து இருக்கிறாய் என்று Colnel கேட்பதற்கு 873 என்று சொல்லும்போது நமக்குள்ளும் ஒரு பெருமை தொற்றிக்கொள்கிறது.
தன்னுடன் பழகியதற்க்காக ஒரு சிறுவன் கொல்லபடுவதும் அதற்காக வருத்தப்படுவதும் அந்த கொலைக்கு பழி வாங்க துடிப்பதும் என்று தனது இயல்பான நடிப்பால் ரெண்னர் பின்னியிருக்கிறார்.
Sergeant JT Sanborn ஆக வரும் Anthony Mackie உம சிறப்பாக செய்து இருக்கிறார். சுவரின் பின் மறைந்திருக்கும் தீவிரவாதியை கொல்ல பொறுமையாய் காத்திருப்பதாகட்டும், குண்டுகளை செயழிழக்க செய்யும் போது ரெண்னர் head set ஐ கழற்றி போட்டதற்காக அவரை அறைவதாகட்டும் ஒரு சிறந்த Sergeant நடித்திருக்கிறார்.
பதிவு பெருசாகுதே ! நிறைய சொல்லனும்னு நினைச்சேன்.
கடைசியா சொல்றேன்! நல்ல படம். ஆஸ்காருக்கு தகுதியான படம் தான. எல்லோரும் பாருங்க.
*****************************************************************************************
ரசிக்க:
டாக்டர். அப்துல் கலாம் அவர்கள், நக்கீரனில் எழுதி வந்த தன்னம்பிக்கை தொடர் தரவிறக்க இங்கே சொடுக்கவும்.
*****************************************************************************************
சிந்திக்க:
கண்ணெதிரே காணும் ஒவ்வொருவரையும் நம்புவது அபாயகரமானது. அதைக் காட்டிலும் ஒருவரையும் நம்பாதிருப்பது மிகவும் அபாயகரமானது.
-அப்ரஹாம் லிங்கன்
